Төв талбайд үнийн өсөлтийг эсэргүүцэн цуглах иргэдийн эсрэг төр хүч хэрэглэнэ гэсэн агуулгатай цагдаагийн алба хаагчдын жагссан зураг цахим орчинд таржээ.

Энэ талаар Цагдаагийн ерөнхий газраас тайлбар гаргасан байна.

Уг тайлбарт "Цагдаагийн алба хаагчид энэ оны дөрөвдүгээр сарын 4-ний өдрөөс зуны улирлын дүрэмт хувцсанд шилжсэнтэй холбогдуулан ЦЕГ-ын Нийтийн хэв журам хамгаалах олон нийтийн аюулгүй байдлыг хамгаалах албанаас энэ сарын 7-ны өдрийн өглөө алба хаагчдад дүрэмт хувцасны үзлэг зохион байгуулж буй үеийн зургийг хөндлөнгөөс авч “Үнийн өсөлтийн эсрэг жагсах иргэдийнхээ өмнөөс Төр хүч хэрэглэх үү? Үүрийн 5 жингээс л ингэж цуглуулан бэлэн байдалд байлгасан гэх... Ямар дайн самуун биш дээ” гэх мэдээлэл нийтэлсэн нь худал, иргэдийг төөрөгдүүлсэн мэдээлэл болно" хэмээсэн байна.