Гуравдугаар сарын 28-ны өдрийн 06:09 цагт “Баянзүрх дүүргийн 14 дүгээр хорооны нутаг дэвсгэрт байрлах нэгэн байрны орцонд манай найзыг хүн хутгалаад зугтсан” гэх дуудлага мэдээлэл цагдаагийн байгууллагад иржээ.

Мөрдөн шалгах ажиллагааны явцад гуравдугаар сарын 27-28-нд шилжих шөнө 23-31 насны хоёр эмэгтэй, гурван эрэгтэй согтууруулах ундаа хэрэглэж, Т болон Ү нар маргалдсан нь тогтоогджээ. 

Т нь хэргийн газраас оргон зайлсан бөгөөд цагдаагийн ажилтнууд шуурхай эрэн сурвалжлах ажиллагаа явуулж, гуравдугаар сарын 29-ний 04.30 цагийн үед Чингэлтэй дүүргийн нутаг дэвсгэрээс баривчилж, мөрдөн шалгах ажиллагаа явуулж байна.