Нэн тэргүүнд зуух пийшингийнхээ үнсний савыг цэвэрлэсэн байх шаардлагатай. Шахмал түлшээ доор нь хийгээд дээрээс модоо ноцоож асаана. Галлаж эхлэхдээ агаар соролтын хавхалгыг нээх нь асалтыг түргэсгэнэ. Галлагаа хийж байгаа тохиолдолд яндангийн сойлт буюу хаалтыг хаахгүй байх, пийшин зуухныхаа онцлогт тохируулж галлана. Шинэ түлшийг нэмэхдээ цогны хэмжээнээс ихгүй хэмжээтэй түлш нэмэх эсвэл цогшсон түлш дээрээ шинэ түлшээ бага багаар нэмбэл зохистой. Галын хотолд түлшээ хийж бэлтгэн дээр нь 500-1000гр орчим мод өрж зөвхөн дээрээс нь галлана. Түлш ноцох үед дээд доод агаарын хаалтыг нээсэн байх шаардлагатай.