Өмнөговь аймгийн Онцгой байдлын газарт Ханбогд сумын Цагаан хад гэдэг газарт ачааны автомашин замын хажуу руу онхолдож,  бүхээгт нь нэг хүн хавчуулагдаж нас барсан тухай дуудлага иржээ.

Дуудлагын дагуу  Онцгой байдлын газрын  болон цагдаагийн алба хаагчид  очиход “D2066LF01” загварын зүтгүүр автозамын хажуу руу онхолдож, жолооч 35 настай эрэгтэй  Д  автомашины бүхээгт хавчуулагдаж нас барсан байжээ.

 Цогцсыг гарган тус сум дахь Цагдаагийн тасгийн эрүүгийн мөрдөгчид шилжүүлэн өгсөн байна. Осол гарсан шалтгаан нөхцлийг аймгийн Тээврийн цагдаагийн алба шалгаж байна.