Цаг уур, орчны шинжилгээний хүрээлэнгээс гаргасан урьдчилсан цаг агаарын мэдээгээр Улаанбаатарт маргааш өдөртөө 0 градус шөнөдөө -16 градус байна.

Гуравдугаар сард  1991-2020 оны дунджаар агаарын температур Алтай, Хангай, Хөвсгөл, Хэнтийн уулархаг нутгуудаар 14-20 градусын хүйтэн, Алтайн өвөр болон Говийн бүс нутгийнхаа өмнөд хэсгээр хоёр градусын дулаанаас зургаан градусын хүйтэн, бусад нутгуудаар 6-12 градусын хүйтэн байдаг.

Хур тунадас Алтай Хангай Хөвсгөл Хэнтийн нуруудад уулархаг нутгуудаар 4-6 мм, бусад нутгуудаар 2-4 мм-ын хур тунадас ордог.

Харин энэ гуравдугаар сард Алтай уулархаг нутгийн өвөр бэлээр олон жилийн дундаж орчим бусад нутгаар олон жилийн дунджаас 1-2 градус дулаан байна.

Хур тунадасны хувьд Алтай Хангайн уулархаг нутгуудаар олон жилийн дунджаасаа ахиу, харин Хэнтий, Дорнод, Сүхбаатарын ихэнх нутгуудаар олон жилийн дунджаас бага, бусад нутгуудаар олон жилийн дундаж орчим хур тунадас орох төлөвтэй байна.