Дотоодын цэрэг үүсч хөгжсөний түүхт 100 жилийн ойг тохиолдуулан Монголын үндэсний бөхийн холбоотой хамтран Дотоодын цэргийн анги, тусгай салбар, салааны 128 цолгүй, залуу бөхчүүдийн дунд "Нийтийн монгол бөхийн барилдаан"-ыг зохион байгууллаа. Барилдаанд хүч үзэж авхаалж самбаа, ур чадвар гарган барилдаж 05 дугаар ангийн дэд ахлагч С.Загдзүсэм түрүүлж МҮБХ-ноос "Улаан бүстэн", 805 дугаар ангийн ахлах дэслэгч Б.Эрхэмзул үзүүрлэж "Шар бүстэн", 810 дугаар ангийн дэд ахлагч С.Мэндсайхан, 805 дугаар ангийн ахлагч Д.Бямба-Очир нар их шөвөгт шалгарч "Цэнхэр бүстэн" цол чимэг олгож, өргөмжлөл, үнэ бүхий зүйлээр шагналаа. Дотоодын цэргийн нийт бие бүрэлдэхүүнд спорт, хөдөлмөрийн өндөр амжилт хүсье.