Хөх хотод Консулаар ажиллаж байсан АН-ын гишүүн Д.Мөнхэрдэнэ өөрийн цахим хуудсаараа дамжуулан УИХ-ын гишүүн О.Цогтгэрэлийг сүүлийн үед шүүмжлээд буй. Тэрээр түүнийг үнэнч хөдөлмөрөөрөө баяжаагүй, луйвар, улс төрийн бохир арга хэрэглэж хөл дээрээ боссон хэмээн шүүмжлээд байгаа юм.

Тэрээр “ТЭСО компанийн захирал О.Цогтгэрэл ээ, надад “Алтангэрэл шиг чинь агаа нар байхгүй.

Одонгийн Цогтгэрэлээ “Өдөр болгон талх, нарийн боов хийдэг компани ч томорч чадахгүй байхад зайрмаг зардаг компани яаж ингэж томорсон юм бэ. Содон хороолол болох хотхоныг чи луйвардаж авсан шүү. Ямар мөнгөөрөө чи энэ том хорооллыг барьсан бэ. Энийгээ тайлбарла.

“Скай гарден”-ийн Ч. Энхболдыг шоронд хорьчихоод газрыг нь луйвардсан хүн бол Цогтгэрэл ээ чи шүү. Тухайн үед Цогтгэрэлийн нутгийн ах нь Ерөнхий прокурор Д.Дорлигжав байсан. Би бүх юмыг баримт нотолгоотой ярьж байгаа шүү. Ингэлээ гээд чи намайг хуулийн байгууллагад өг. Өнөөдөр мянга мянган барилгын компанид газар олдохгүй байхад яагаад чамд том том газар олдоод байдаг юм. Ийм том том барилгыг чи юугаараа барьсан юм. Зайрмагны компаниар ийм их газар, барилга барьж чадахгүй Цогтгэрэлээ. Би чамайг АТГ-д өгнө” хэмээн постолжээ.