"Сар шинэ-2022" нэгдсэн арга хэмжээний хүрээнд Нийслэлийн цагдаагийн удирдах газрын Шөнийн эргүүлийн хэлтсээс нийслэлийн төвийн 6 дүүргийн нутаг дэвсгэрт давхардсан тоогоор 262 чиглэлд 528 алба хаагч үүрэг гүйцэтгэж, 2388 иргэн, 1702 тээврийн хэрэгслийг шалгажээ. Мөн эрэн сурвалжлагдаж байсан таван хүнийг олж тогтоон, гар дээрээс хууль бусаар согтууруулах ундаа худалдсан, согтуугаар тээврийн хэрэгсэл жолоодсон, эрхгүй үедээ болон эрх хасагдсан үедээ тээврийн хэрэгсэл жолоодсон 26 зөрчлийг илрүүлжээ.