Нийслэлийн Сонгинохайрхан дүүргийн 23 дугаар хороо, Хангайн .. дугаар гудамжинд байшин шатаж байна гэсэн дуудлагыг 1 сарын 27-ны өдрийн 17:31 цагт дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид хүлээн авч 3 км замыг туулан иргэн Н-ын 10х14 метрийн хэмжээтэй 2 давхар байшин шатаж байсныг 40 минут ажиллаж унтраасан. /Уг гал түймэрт иргэн Н-ын 2 гар түлэгдсэн байсныг нийслэлийн ЯТТ-д хүлээлгэн өгсөн./

Мөн Хөвсгөл аймгийн Мөрөн сумын Мандал багийн .. дугаар гудамжинд суудлын автомашин шатаж байна гэсэн дуудлагыг 1 сарын 27-ны өдрийн 19:04 цагт аймгийн Онцгой байдлын газрын Гал түймэр унтраах, аврах 27 дугаар ангийн алба хаагчид хүлээн авч 3 км замыг туулан иргэн Б-ийн “Грандуэр” загварын суудлын автомашины хөдөлгүүрийн хэсэг шатаж байсныг 6 минут ажиллаж унтраасан.

Төв аймгийн Баянжаргалан сумын Жаргалант багийн Баясгалант хэсгийн ..  дугаар гудамжинд /аймгийн төвөөс зүүн урд зүгт 141 км-т/ 5 ханатай гэр 1 сарын 27-ны өдрийн 19:21 цагт шатсан тухай мэдээллийг мөн өдрийн 19:50 цагт хүлээн авсан.  Иргэн О-ын 5 ханатай гэр шатсаныг орон нутгийн иргэд ажиллаж унтраасан тухай мэдээллийг тус сумын Байгаль орчны улсын хяналтын байцаагч аймгийн Онцгой байдлын газарт мэдэгдсэн.

Баян-Өлгий аймгийн Алтай сумын Чихэртэй багийн “Хар бут” гэдэг газар /аймгийн төвөөс баруун хойд зүгт 120 км-т, сумын төвд/ байшин шатсан тухай мэдээллийг 1 сарын 27-ны өдрийн 23:13 цагт хүлээж авсан. Иргэн А-ын 10х12 метрийн хэмжээтэй байшин шатсаныг орон нутгийн иргэд ажиллаж унтраасан тухай мэдээллийг тус сумын Засаг дарга аймгийн Онцгой байдлын газарт мэдэгдсэн байна.