Улсын хэмжээнд нэгдүгээр сарын 20-ны өдрийн байдлаар нийт 139,479 тонн шатахууны нөөцтэй байгааг УУХҮ-ийн сайд Г.Ёндон мэдээллээ.

Тодруулбал А-80 бензин 11,845 тонн, АИ-92 бензин 38,425 тонн, ДТ 83,337 тоннын нөөцтэй бөгөөд энэ нь АИ-92 /95, 98/ бензиний 32, А-80 бензиний 71, дизель түлшний 30 хоногийн хэрэглээ аж.

Харин Улаанбаатар хотын хэмжээнд нийт 74,494 тонн буюу 23 хоногийн АИ-92 бензин, 40 хоногийн ДТ-ийг нөөцөлсөн нь хэвийн хэмжээнд байгааг мэдээлэв.

Түүнчлэн нэгдүгээр сарын 14-20-ны өдрүүдэд авто замаар 1,011, төмөр замаар 954 чингэлэг нийт оны эхнээс 397.8 мянган тонн нүүрс, авто замаар 192 чингэлэг буюу оны эхнээс 40 мянган тонн зэсийн баяжмал экспортолсон байна.