УИХ-ын Эдийн засгийн байнгын хорооны хуралдаанаар “Зээлийн хүүг бууруулах стратеги бууруулах тухай” УИХ-ын тогтоолын хэрэгжилтийн явцтай танилцлаа.

Энэ үеэр Монгол банкны ерөнхийлөгч Б.Лхагвасүрэн: “Стратегийг хэрэгжүүлэх холбогдох байгууллагуудын төлөөлөл оролцсон ажлын хэсэг ажилласан. Ажлын үр дүнд хүү тасралтгүй буурч, тодорхой түвшинд хүрээд байна. 2021 оны эцсийн байдлаар зээлийн дундаж хүү стратеги батлагдсан үетэй харьцуулахад 2.5 нэгж хувиар, өнгөрсөн оны мөн үетэй харьцуулахад 1.3 нэгж хувиар тус тус буурч, өнөөдрийн байдлаар жилийн 14.5 хувьд хүрчээ. Стратеги хэрэгжүүлэх төлөвлөгөөний дагуу 2023 оны эцэст сарын нэг хувьд буюу жилийн 12 хувьд хүрэх зорилт бий” гэв.