Өнөөдөр буюу 12 дугаар сарын 24-ний өдөр ЦЕГ-ын Нийслэлийн Цагдаагийн Удирдах газар 2021 оны ажил хөдөлмөрөө дүгнэж, тайлангийн хурлаа зохион байгууллаа.

Тайлангийн хуралд ЦЕГ-ын дарга, дотоодын цэргийн командлагч, хошууч генерал Ж.Болд, ГХУСАЗЗ-ийн дарга Л.Нямгэрэл, Нийслэлийн Засаг даргын зөвлөх болон бусад албаныхан оролцлоо. Мөн нийслэлийн дүүргүүд дэх цагдаагийн газрын алба хаагчид давхар цахимаар оролцсон юм. 

2021 онд ажил хөдөлмөрөөрөө бусдыгаа манлайлан, иргэдийн аюулгүй байдал, амар тайван орчинд амьдрах нөхцөлийг бүрдүүлэх чиглэлээр идэвх, санаачлагатай ажлыг өрнүүлэн ажилласан Баянзүрх дүүрэг дэх Цагдаагийн газар Нийслэлийн шилдэг цагдаагийн газраар тодорчээ. Уг өргөмжлөлийг өнөөдрийн тайлангийн хурлын үеэр Нийслэлийн Засаг даргын зөвлөх Баянзүр дүүргийн Цагдаагийн газрын дарга, цагдаагийн дэд хурандаа П.Очбадрахад гардуулан өглөө. 

Нийслэлийн шилдэг цагдаагийн газраар шалгарсан Баянзүрх дүүрэг дэх Цагдаагийн газрын нийт алба хаагчдад ажлын өндөр амжилтыг хүсэн ерөөе!