Монгол Улсын нутаг дэвсгэрээр дамжуулан ОХУ-аас БНХАУ руу байгалийн хий дамжуулах хоолой барих төслийн хүрээнд өнөөдөр Барилгын хөгжлийн төвийн удирдлагууд болон ОХУ-ын “Газопровод Союз Восток” ХХК-ийн төлөөллүүд уулзаж, харилцан мэдээлэл солилцлоо.

Энэхүү уулзалтаар талууд Монгол Улсын нутаг дэвсгэрээр дамжуулан ОХУ-аас БНХАУ руу байгалийн хий дамжуулах хоолой барих төслийн зураг төсөл, магадлал, барилгын ажлыг хэрхэн хийж гүйцэтгэх тухай болон Монгол Улсад мөрдөгдөж байгаа норм, дүрэм, стандартуудыг танилцуулж, цаашдын хамтын ажиллагааны талаар ярилцсан юм.