Нийтийн тээврийн үйлчилгээний газраас ачаалал ихтэй замууд болон түгжрэл үүсдэг оргил цагуудаар богино эргэлтийн автобуснуудыг зохицуулалтаар үйлчилгээнд нэвтрүүлээд байгаа билээ. Тэгвэл нэмэлтээр энэ сарын 17-ны өдрөөс иргэдийн зорчих урсгалын ачааллын судалгаанд үндэслэн 3 чиглэлд нийтийн тээврээр үйлчлүүлж буй үйлчлүүлэгчдийн хүлээгдлийн хугацааг багасгах зорилгоор богино эргэлтийн үйлчилгээг нэвтрүүлэх болжээ.
Богино эргэлт хийхээр төлөвлөсөн чиглэлээс Ч:1 "5 шар –офицеруудын ордон” чиглэлийн үндсэн үйлчилгээг алдагдуулахгүйгээр орой ачааллын цагаар богино эргэлтийн чиглэлд нэмэлтээр оруулахаар төлөвлөөд байгаа аж. Харин Ч:32, Ч:69 чиглэлүүд богино эргэлтээр иргэдэд үйлчилж эхлэх юм.
Богино эргэлт хийх чиглэлүүд:

• Ч:1 Үндсэн чиглэл "5 шар –Офицеруудын ордон"
• Ч:1А “5 шар -Мөнгөн завьяа”
• Ч:1Б “Сүхбаатарын талбай- Офицеруудан ордон”
• Ч: 32А “Улиастай-Офицеруудын ордон”
• Ч: 32Б “Офицеруудын ордон- ТЭЦ-3”
• Ч: 69А "Зунжин худалдааны төв-Ард кино театр"
• Ч:69Б "Ард кино театр –Вива сити хороолол"