Гадаад харилцааны дэд сайд Б.Мөнхжин Замын-Үүд, Эрээний боомт хэзээ нээгдэх талаар мэдээлэл өглөө.

Тэрбээр "Туршилт амжилттай болсон учир маргааш хил нээж, автозамын тээврийг хэвийн үргэлжлүүлнэ. Эхний ээлжид Covid-19 халдварын тохиолдол бүртгэгдэхээс өмнө ачаа бараатайгаа нэвтрээд хил дээр саатсан ачаатай машинуудыг гаргана. 

Өөрөөр хэлбэл, маргаашнаас эхлэн Хятадад халдвар бүртгэгдэж, хил хаахаас өмнө Эрээний талд ирсэн байсан 150 орчим ачаатай машиныг гаргана. Тодруулбал, чингэлэгт шилжүүлэхгүйгээр автомашинтай ачааг гаргана. Үүний дараа чингэлэг тээвэрлэлт хийгдээд явна" гэв.