Эрүүгийн хэргийн төв архиваас зарим салбар архивын сан хөмрөгт хадгалагдаж байгаа баримт бичгүүдэд судалгаа хийж, 1920-1950 оны эрүүгийн хэрэг дэх албан хэрэг хөтлөлт болон прокурорын эрх зүйн хэлбэрүүдийг эмхэтгэж ном болгон гаргалаа.

Прокуророос хяналтын чиг үүргээ хэрэгжүүлэх явцад гаргадаг тогтоол, яллах дүгнэлт, даалгавар зэрэг эрх зүйн хэлбэрүүдийн түүхэн хөгжлийн нэгээхэн хэсгийг баримтжуулж үлдээх зорилготой тус номд олон сонирхолтой баримтууд багтсан байна.

Номын эхний бүлэгт эрүүгийн хэрэг дэх албан хэрэг хөтлөлтийн уламжлал, хоёрдугаар бүлэгт прокурорын эрх зүйн хэлбэрүүд, гуравдугаар бүлэгт бусад баримтын талаарх онцлогуудыг тусгажээ.

Эрүүгийн хэргийн төв архиваас цаашид сан хөмрөгт хадгалагдаж буй эрүүгийн хэрэг, материалуудад үндэслэн төрөл бүрийн судалгааг хийхээр төлөвлөж байна.