Өнөөдөр иргэн Г.Хажидмаа хотын захиргааны гадна суулт зарлаж байгаа талаараа мэдээлэл хийлээ. 

Тэрээр "Эмзэг бүлгийн иргэд ногоо тарих гэж Хотын дарга Д.Сумъяабазарт өнгөрсөн гуравдугаар сард өргөдөл өгсөн. Одоог хүртэл шийдэхгүй байна. Иргэд нь өөрсдөө хөдөлмөр эрхэлье гэхээр хотын дарга нь Нийслэлийн газрын албатайгаа нийлээд хавчиж байна. Өнөөдөр 100 гаруй хүнд ногоо тариулаад амжиргааг нь дэмжиж туслаад өгчихье гэсэн бодолтойгоор Д.Сумъяабазарт гурван сараас хойш өргөдөл өгсөн. Нийслэлийн газрын алба шийднэ гэчихээд өнөөдрийг хүртэл шийдсэн зүйлгүй, өчнөөн сар хүлээлгэлээ. Би хөгжлийн бэрхшээлтэй, ахмад настан, эмзэг бүлгийн, өрх толгойлсон ээжүүдэд туслаж ажлын байр бэлдэж өгөх гэж байсан. Э.Бат-Үүл хотын дарга байхад 500 орчим эмзэг бүлгийн иргэдэд ногоо тариулж амьдрал ахуйг нь өөд нь татаад явж байсан. Д.Сумъяабазар хотын дарга болсоноос хойш энэ ажил зогссон. Та нар энэ ажлаа хийхгүй юм бол бид нарт түрээсэлчих бид өөрсдөө очиж ногоо тария гэхээр бид нарыг ногоо тариулахгүй байна." хэмээлээ.