Дотоодын цэргийн штабаас зохион байгуулсан англи хэлний анхан шатны эрчимжүүлсэн сургалтад цагдаа, дотоодын цэргийн анги, байгууллагын 2020 оны хөдөлмөрийн тэргүүний, ажил мэргэжлийн шилдэг, оны онцлох алба хаагчаар шалгарсан болон эрхэлсэн ажилдаа идэвх зүтгэл, үр бүтээл гарган ажилласан 16 алба хаагч Цагдаагийн ерөнхий газрын дарга, Дотоодын цэргийн командлагчийн тушаалаар  энэ оны 10 дугаар сарын 18-ны өдрөөс нэг сарын хугацаанд хамрагдсан юм.

Сургалтад амжилттай хамрагдаж төгссөн алба хаагчдад “Сертификат” гардуулах арга хэмжээг энэ оны 11 дүгээр сарын 18-ны өдөр Дотоодын цэргийн штабт зохион байгуулав. Дээрх арга хэмжээнд Дотоодын цэргийн штабын дарга, цагдаагийн хурандаа Р.Чингис болон даргын зөвлөлийн гишүүд, сургалтад хамрагдсан алба хаагчид оролцлоо.