Хүүхдийн эрх нэрийн дор эцэг эхийнхээ үгэнд битгий ор, багш нарынхаа үгэнд битгий ор, эрх чөлөөтэй бай, дураараа бай, хүүхдийнхээ хувийн орон зайд халдах ёсгүй энэ тэр гэсэн "хүмүүнлигийн" гээд байгаа тархи угаалт чинь эцсийн эцэст ийм л юманд хүргэнэ. Гэр бүлийн хүчирхийлэлд автаж байгаа хүүхдүүдийн хувьд "хүүхдийн эрхийн тухай" зайлшгүй хөндөгдөх нь мэдээж. Ялих ялихгүй зүйлээр багш нарыг шүүмжилж, Солонгос, Японы ёс зүйгүй үйлдлийн кинонуудыг ТВ болон сошиал орчинд гаргаж "дэрэлхэлтийн" мэргэжлийн сургалт явуулж байна. Ялангуяа Солонгос киноны гэр бүлийн атаа жөтөө, хорон явуулга, Японы аним их үүрэг гүйцэтгэж байна. "Шилжилтийн нас" гэж нэрлэсэн өсвөр насанд хүүхэдтэйгээ аймшигтай хатуу ширүүн харьцахгүй ч гэсэн тодорхой хэмжээний даруулга хэрэгтэй. Эцэг эх, ахмад хүмүүс, багш нарыг үгүйсгэсэн, "өөрөө өөрсдийгөө мэдэх хэрэгтэй" гэдэг тэнэг ухуулга байнга явуулдаг хүний эрхийн тухай байгууллагууд ч энийг анхаарах ёстой. Хэт баруунжсан үзэл суртал, ялангуяа Баруун Европ, АНУ-гийн хүний эрхийн тухай хэт туйлширсан ухуулгаа зогсоох ёстой. Эцэг эхчүүд үр хүүхдээ багаас нь зөв хүмүүжүүлэх, сургуулийн орчныг цэвэр байлгахад сургууль багш нар анхаарах учиртай.