Нийслэлийн Баянгол дүүргийн нэгэн орон сууцны есөн давхраас унах эрсдэлтэй байсан бага насны хоёр хүүхдийн амийг онцгой байдлын алба хаагчид аварчээ.

Тодруулбал тус дүүргийн 6 дугаар хороо, 104 дүгээр байр 9 дүгээр давхраас бага насны хоёр хүүхэд унах гээд байна гэсэн дуудлагыг 11.14-ний өдрийн 11:12 цагт хүлээн авсан.

Нийслэлийн Аврах ангийн алба хаагчид 7 км замыг туулан 11:20 цагт очиход 5 настай хүү, 3 настай, охин гэртээ харгалзах хүнгүй цонхоор унах гэж байсныг 38 минут ажиллаж аюулгүй болгон эгч А, тус дүүргийн Цагдаагийн 2 дугаар хэлтсийн эргүүлийн офицерт хүлээлгэн өгчээ.

Бага насны хүүхдэдээ тавих хараа хяналтаа сайжруулж, анхаарал болгоомжтой байхыг АНХААРУУЛЖ БАЙНА!

Эх сурвалж: ОБЕГ