ЭМЯ-ны газрын дарга Б.Буянтогтох коронавирусийн үеийн эмнэлгийн тусламж үйлчилгээний талаарх мэдээлэл өглөө. 

Тэрээр "14 хоногийн өмнө эмнэлэгт 17392 хүн хэвтэж эмчлүүлж байсан бол өнөөдөр 10727 болж 38.3 хувиар буурчээ. Тухайлбал:

• Маш хүнд хүний тоо 37 хувиар
• Хүнд хүнд хүний тоо 40 хувиар
• Хүндэвтэр хүний тоо 30 хувиар
• Хөнгөн хүний тоо 45 хувиар тус тус буусан байна.

Коронавирусийн халдварын оргил үед 22400 орчим хүн эмнэлэгт хэвтэн эмчлүүлж байсан бол энэ тоо хоёр дахин буурчээ. Есдүгээр сарын 27-оос нийслэлд ажиллаж эхэлснээс хойш гэрийн нас баралт бүртгэгдсэнгүй. Өдөртөө 700 орчим хүн хэвтэх шаардлагатай гэдэг байсан бол сүүлийн долоо хоногт 120 болж буурлаа. Түүнээс гадна, коронавируст халдварын нас баралт ч цаашид буурах хандлага ажиглагдаж байна. Нас баралтын тухайд өнөөдөр шинээр илэрч буй тохиолдлын тооноос шууд хамааралгүй бөгөөд 2-4 долоо хоногийн хоцрогдолтой явдаг. Коронавирусийн оргил үед томоохон эмнэлгүүд өвчтөн авч хэвтүүлж байсан. Харин одоо тохиолдлын тоо буурч байгаа учраас энэ сарын 15-наас хойш томоохон эмнэлгүүдийн коронавирусийн тусламж үйлчилгээг буулгаж, үндсэн тусламж үйлчилгээ рүү илүү ажиллуулах төлөвлөгөөтэй байна" гэлээ.