Нийслэлийн Чингэлтэй дүүргийн тавдугаар хороо, Баянбүрдийн тойргийн баруун талд “Дулааны шугамын худагт түлэгдсэн хүн гарч чадахгүй байна” гэсэн дуудлага өнгөрөгч арваннэгдүгээр 10-ны өдрийн 21:40 цагт иржээ. 

Нийслэлийн Аврах ангийн алба хаагчдыг очиход гэрийн хаяг нь тодорхойгүй 37 настай иргэн С-гийн нуруу түлэгдсэн байдалтай, дулааны шугамын худаг /3 м гүн/-т унасан байсныг 15 минут ажиллаж гарган НЯТТ-ийн эмч, Чингэлтэй дүүргийн эргүүлийн офицерт хүлээлгэн өгчээ.