Өвөрхангай аймгийн Зүүнбаян-Улаан сумын 2 дугаар баг, Жаргалантын ар гэх газарт хоёр хүн нас барсан хэрэг гарсан.

Цагдаагийн байгууллагад аравдугаар сарын 31-ний өдрийн 13:46 цагт дуудлага, мэдээлэл ирсний дагуу шалгалтын ажиллагаа явуулахад тус сумын 1-р багт суух 23 настай эрэгтэй Б нь галт зэвсгээр тус багт суух эмэгтэй 17 настай О-ийн толгойн тус газарт буудаж, амь насыг нь хохироожээ.

Улмаар хэрэгт холбогдогч Б нь уг галт зэвсгээр өөрийнхөө толгойн тус газарт буудаж, нас барсан болохыг урьдчилсан байдлаар тогтоосон байна. Амь хохирогч О нь аравдугаар сарын 27-ны өдөр сургуулийн дотуур байрнаасаа гараад сураггүй болж, эрэн сурвалжлагдаж байсан аж.

Хэргийн газраас нэг ширхэг галт зэвсэг хураан авч, шалгалтын ажиллагааг Өвөрхангай аймаг дахь цагдаагийн газарт үргэлжлүүлж байна.