Архангай аймгийн прокурорын газраас гэмт хэргээс урьдчилан сэргийлэх үүднээс иргэд олон нийтэд мэдээлэл хүргэн ажилласан байна. Тус аймгийн АВ телевизийн “Иргэн та-хуулийн хэрэглэгч” нэвтрүүлэгт аймгийн прокурорын газрын хэрэг бүртгэх, мөрдөн байцаах ажиллагаанд хяналт тавих хяналтын прокурор С.Батсүх, Э.Оргилбат нар оролцож “Өмчлөх эрхийн эсрэг гэмт хэрэг”, “Соёлын өвийн эсрэг гэмт хэрэг” -ийн гаралт, шалтгаан нөхцөл, байгууллага хоорондын хамтын ажиллагаа, энэ төрлийн гэмт хэргээс урьдчилан сэргийлэх талаар ярилцлага өгчээ.