Цөмийн энергийн комиссын ажлын алба, Японы атомын энергийн агентлагаас хамтран зохион байгуулсан “Гадаад орчны цацрагийн хяналт” дагалдах сургалтад Цөмийн болон цацрагийн аюулгүй байдлын хяналтын хэлтсийн 4 улсын байцаагчид 2021 оны 10 дугаар сарын 26-28-ны хооронд хамрагдлаа.

Тус сургалтаар Цацрагийн хэмжилтийн үндсэн зарчмууд, Монгол Улсын гадаад орчны цацрагийн хяналт, дотоод шарлагыг үнэлэх, гадаад орчны дээж бэлтгэх, цацрагийн хэмжилтийн багаж ашиглах зэрэг сэдвүүдээр хичээл зааж, дасгал ажил ажиллуулсан. Цөмийн болон цацрагийн аюулгүй байдал хамгаалалтыг сайжруулах, гарч болзошгүй ослоос урьдчилан сэргийлэх талаар мэдлэгийг олж авсан өндөр ач холбогдолтой сургалт болж өндөрлөлөө.