Гэр бүлийн орчинд бэлгийн хүчирхийлэлд өртсөн бага насны хүүхдүүдийг хүүхэд хамгаалах төвд хүргэж, гэмт этгээдийг саатууллаа.

Хан-Уул дүүргийн иргэн 42 настай Б гэгч нь өчигдөр өөрийн төрсөн хүү болон дагавар охиноо хүчирхийлсэн жигшүүрт хэрэг үйлдсэн байна. Түүнийг цагдаагийн байгууллагаас саатуулан шалгаж байгаа ба сэжигтэн этгээд нь өмнө нь хүчингийн хэргээр найман жилийн хорих ял авч, улмаар өршөөлийн хуулиар суллагдсан байхдаа дээрх хэргийг үйлдсэн болох нь тогтоогджээ.

Хүүхдийн хүчирхийлэл гэр бүлийн орчинд үйлдэгдэх тохиолдол хамгийн их буюу 80 орчим хувийг эзлэх болсныг мэргэжлийн байгууллагын судалгаа, баримт, мэдээллүүд харуулдаг. Энэ нь ихэвчлэн гэр бүл салалт, архины хамааралтай эцэг эх, дахин гэрлэлт, хараа хяналт сул байдгаас үүдэлтэй байдаг аж.

Иймд, эцэг эх асран хамгаалагч нар хүүхдэдээ тавих хараа хяналтаа сайжруулах, түүнчлэн хороо, дүүргийн хамтарсан багууд хяналтаа сайжруулах, хүчирхийлэл үйлдэгдсэн, эрдсэлтэй байж болзошгүй мэдээллийг цагдаагийн байгууллагад цаг алдалгүй мэдэгдэж байх шаардлагатай байна.