Эрүүл мэндийн даатгалын ерөнхий газар даатгуулагч-иргэдэд төрийн үйлчилгээг түргэн, шуурхай, хүндрэлгүй, ил тод, хариуцлагатай хүргэх зорилгоор албан хаагчдаа чадавхжуулах, ажлын уялдаа холбоог сайжруулах, мэргэжлийн тогтвортой төрийн албыг төлөвшүүлэхэд анхааран ажилладаг.

Энэ хүрээнд өнөөдөр ТҮЧТХГ-ын Нэхэмжлэлийн хяналтын хэлтэсээс “Нэхэмжлэлийн хяналт-Тулгамдаж буй асуудлууд” сэдэвт нэгдсэн хэлэлцүүлгийг ЭМДЕГ-ын газар, хэлтэсийн удирдлага, ахлах мэргэжилтнүүдийн дунд зохион байгуулж байна.

Хэлэлцүүлгээр ЭМДҮЗ-ийн 2021 оны 03 дугаар тогтоолыг хэрэгжүүлэх хүрээнд тулгарч буй бэрхшээлүүд, даатгалын хууль тогтоомжтой холбоотой анхаарах асуудлууд, нэхэмжлэлийн цахим хяналт болон тэдгээрт газар, хэлтэсүүдийн чиг үүрэг, хоорондын уялдаа холбоо ямар байх талаар хэлэлцсэн юм.