Нийгмийн бодлогын байнгын хорооны хуралдаан өнөөдөр болж байна.

Хуралдааны үеэр УИХ-ын гишүүн М.Оюунчимэг дараах саналыг гаргалаа. Тэрээр:

-Ковидын халдвар тусаагүй, дархлаагаа сайн дэмжиж, хариуцлагатай эрүүл байгаа 2,7 сая иргэндээ талархлаа илэрхийлэх хэрэгтэй. Цар тахлаас өөрийгөө болон эргэн тойрноо хамгаалж, хариуцлагатай байгаа иргэдээ нэг удаад сувилалд үнэгүй амраах ч юм уу, ямар нэгэн байдлаар урамшуулмаар байна. Ингэвэл хүмүүс биеэ зөв авч явдаг, дархлаатай байдаг хүмүүсийг ингэж гоё урамшуулдаг юм байна, би ч бас адилхан баймаар юм байна гэсэн сэдэл төрнө. 2022 оны төсөвт энэ талаар суулгаж өгөх хэрэгтэй гэв.