Олимпын аварга Н.Түвшинбаяр, улсын начин Э.Энхбатын биед хүнд гэмтэл учруулсан хэргээр шалгагдаж байгаа. Өмнөх долоо хоногт хэргийн мөрдөн байцаалт дуусч, прокурорт шилжсэн гэж байсан ч, хохирогчийн өмгөөлөгчийн хүсэлтээр нэмэлт мөрдөн байцаалтад буцаахаар болжээ.

УПЕГ-аас "Уг хэргийг хохирогчийн өмгөөлөгчийн хүсэлтээр нэмэлт ажиллагаа хийлгэхээр мөрдөн байцаалтад буцаасан” хэмээсэн юм. 

Н.Түвшинбаярт холбогдох уг хэргийг Монгол Улсын Эрүүгийн хуулийн 11.1.1 буюу бусдын биед санаатайгаар хүнд гэмтэл учруулсан гэх үндэслэлээр яллах дүгнэлт үйлдүүлэх санал гаргаж прокурорт шилжүүлээд байсан юм. Одоо хэргийг Хан-Уул дүүргийн цагдаагийн нэгдүгээр хэлтэст дахин шалгаж эхлээд байна.