Засгийн газрын ээлжит хуралдаан эхэллээ. Өнөөдрийн хуралдаанаар цар тахлын нөхцөл байдал, авч хэрэгжүүлж байгаа арга хэмжээ, эдийн засгийг дэмжих “Шинэ сэргэлт”-ийн бодлого, Улаанбаатар хотын авто замын ачааллыг бууруулах ажлын явц, "Тавантолгой түлш" ХХК-ийн талаар авах арга хэмжээний тухай Засгийн газрын тогтоолын төсөл, Монгол Улсын Засгийн газрын тухай хуулийн шинэчилсэн найруулгын төсөл зэрэг 20 гаруй асуудлыг хэлэлцэж буй. Түүнчлэн хилийн Гашуунсухайт-Ганцмод боомтын төмөр замын улсын хилийн огтлолцлын цэгийг БНХАУ-тай тохиролцох ажлын явцын талаар мэдээлэл сонсох ажээ.