"Олон улсын охидын өдөр” өнөөдөр тохиож байна. Энэ өдрийг тохиолдуулан Монголын эмэгтэйчүүдийн холбооноос "БҮҮВЭЙ-БҮҮ АЙГ" бүжин туулайн суултыг төв талбайд зарлалаа.

Уг арга хэмжээ өнөөдөр 16:00 цаг хүртэл үргэлжлэх юм байна.

Төв талбайд сандал дээр байрлуулсан 300 туулайг эрүүл мэндийнхээ төлөө ажиллаж буй гурван охинтой аав өөрийн гараар урласан бөгөөд уг суултаар охидын эрхийг хуулиар хамгаалах, хохирсон эрхийг нөхөн төлүүлэх асуудлыг яагаад анхаарахгүй байгааг төрийн ордонд сууж буй эрх баригчдад сануулж байгааг тус холбооноос тодотголоо.

Мөн хаалттай хаалганы цаана бусдад мэдэгдэхгүй насан туршдаа хохирч, шаналж байгаа хэдэн мянган үрс аврал эрэн “Чимээгүй хашгирч” байж мэднэ гэдгийг ойлгуулахаар энэхүү суултыг зохион байгуулж буй юм.