Нийслэлийн гэмт хэргээс урьдчилан сэргийлэх ажлыг зохицуулах зөвлөл, Экологийн цагдаагийн алба, Нийслэлийн Байгаль орчны газар, Нийслэлийн Онцгой байдлын газар хамтран зохион байгуулж байгаа гал түймрээс урьдчилан сэргийлэх “Алдвал галдана” аянд Чингэлтэй дүүргийн прокурорын газар нэгдлээ.

Чингэлтэй дүүргийн прокурорын газар нь дүүргийн Онцгой байдлын хэлтэстэй хамтран галын аюулгүй байдлын талаарх мэдлэг дээшлүүлэх сургалтыг зохион байгуулж, иргэд, олон нийтэд тус аяныг сурталчлан ажилласан байна.