АН-аас өнөөдөр Сүхбаатарын талбайд “Одоо боллоо” уриатай жагсал зохион байгуулж, эрх баригчдын үйл ажиллагаанд шүүмжлэлтэй хандаж байгаагаа илэрхийллээ. Үүнтэй холбогдуулан Ерөнхий сайд Л.Оюун-Эрдэнэ байр сууриа илэрхийлжээ.

-Сөрөг хүчин төр засагтаа шүүмжлэлтэй хандах ёстой. Үндсэн хуулийн дагуу иргэд жагсаж цуглах, үг хэлэх, сонгох, сонгогдох эрхтэй. Миний хувьд ч би өөрөө жагсаал, цуглаанд оролцож явсан. Жагсаал цуглаанд тавьж байгаа асуудлыг шүүмжлэл гэж хүлээж авахаасаа илүүтэй зөвлөгөө гэж хүлээж авах ёстой. Сонгуультай холбоотой улстөржилт нэмэгддэг. Гэхдээ нэг зүйл дээр анхааралтай хандах ёстой. Ковидыг битгий улстөржүүлээч. Тайван жагсаал зохион байгуулахад хариуцлагатай хандах нь зүйтэй. 

Иргэн таныг гурав дахь тундаа хамрагдаж, үүргээ гүйцэтгээрэй. Энэ бол дахин хөл хорио тавигдахгүй байх нөхцөл. Гуравдугаар тунд хамрагдаад амьдралынхаа хэвийн хэмдээ орохыг анхааруулж байна. Вакцинаас өөр ямар ч ид шид ковидын халдвар дээр байхгүй гэлээ.