Дорнод аймгийн Хэрлэн (Сүмбэр) сумын хоёрдугаар багт хөгжлийн бэрхшээлтэй нэг хүн есдүгээр сарын 27-ны өдрийн 08:30 цагийн орчим гэрээсээ гараад сураггүй болсон. Улмаар есдүгээр сарын 28 өдрийн 08:00 цагийн орчим “Хэрлэн” голын эргээс хоёр таягийг нь ар гэрийнхэн нь олсон, голын усанд осолдсон байж болзошгүй тухай дуудлагыг есдүгээр сарын 28-ны өдрийн 08:20 цагт хүлээн авсан билээ.

Тус аймгийн Онцгой байдлын газрын Эрэн хайх, аврах ангийн алба хаагчид тус сумын харьяат иргэн 54 настай эрэгтэй Э -г эрэн хайх ажиллагааг 09.29-ний өдрийн 06:00 цагаас эхлэн “Улаан-Эрэг” гэдэг газраас “Хадан хошуу” гэдэг газар хүртэл 25 км-т, “Хэрлэн” голын усаар 60 км-т завьтай урсаж эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 18:20 цагт түр зогсоосон. 09.30-ны өдрийн 06:00 цагт эрэн хайх ажиллагааг эхлүүлж мөн өдрийн 07:05 цагт таяг олдсон газраас зүүн зүгт 1.5 км зайд “Хэрлэн” голын уснаас цогцсыг олж гарган аймгийн Цагдаагийн байгууллагад шилжүүлэн өгсөн.