ХБНГУ-ын Штуттгарт хотноо 2022 оны 1 сард зохион байгуулагдах СМТ 2022-аялал амралт зугаалгын үзэсгэлэнд Монгол Улс түнш орноор оролцохтой холбогдуулан 2021 оны 9 дүгээр сарын 26-ны өдөр Монгол орныг сурталчлах германы хэвлэлийн төлөөлөгч нар ирлээ.

Уг үзэсгэлэн нь цар тахлын дараах хэвийн байдалд болох анхны үзэсгэлэн ба 300 мянган хүн зорин ирдэг томоохон үзэсгэлэн тул Байгаль орчин, аялал жуулчлалын яам болон Аялал жуулчлалын хөгжлийн төв ТӨҮГ-ын урилгаар Герман улсын үндэсний болоод Баваар бүс нутгийн 6 сэтгүүлчийг Дэлхийн аялал жуулчлалын өдрийг угтан урьсан юм.

Дунджаар 45 сая хүнд хүрч, 145 сая гаруй давтамжтайгаар тараах материал боловсруулах нөөцтэй уг хэвлэлийн багтай урт хугацааны хамтын ажиллагааг эхлүүлж 2022 онд Монголд ирэх жуулчдын урсгалыг нэмэгдүүлэх, Германд болох үзэсгэлэнд амжилттай оролцоход энэхүү 7 хоногийн айлчлал нь чухал ач холбогдолтой.