Швед улсад богино хугацаагаар буюу C ангиллын 90 хүртэл хоног зорчих Шенгенийн визийн мэдүүлгийг Улаанбаатар дахь VFS Global виз мэдүүлгийн төвөөр дамжуулан авч байгаа аж. Тодруулбал, энэ сарын 20-ны өдрөөс эхлэн виз мэдүүлгийг хүлээн авахаар болсон байна.

“VFS Global” виз мэдүүлгийн төв нь DHL-ийн төв байрны хоёрдугаар давхарт байрлах ба дэлгэрэнгүй мэдээллийг 70100152 дугаарын утсаар болон visa.vfsglobal.com/mng/mn/swe цахим хуудаснаас авах боломжтой гэж Гадаад харилцааны яамны Консулын албанаас мэдээллээ.