Булган аймгийн Тэшиг сумын Хужирт багийн “Хүрд” гэдэг газар /аймгийн төвөөс хойд зүгт 265 км-т, сумын төвөөс зүүн урд зүгт 35 км-т/ иргэн М, Н нар 9 сарын 3-ны өдөр гэрээсээ мотоциклоор яваад сураггүй болсон бөгөөд мотоциклыг нь “Эг”-ийн голын бетон гүүрний хажуугаас олсон тухай дуудлагыг 9 сарын 6-ны өдрийн 18:10 цагт аймгийн Онцгой байдлын газрын Эрэн хайх салбарын алба хаагчид, сумын Засаг даргын Тамгын газрын ажилтнууд хүлээн авч “Булган авто зам засвар арчилалт” ТӨХК-ийн ажилтан, ар гэрийн хүмүүсийн хамт тус сумын харьяат иргэн М /52 настай, эрэгтэй/, Н /40 настай, эрэгтэй/ нарыг нарыг эрэн хайх ажиллагааг зохион байгууллаа.

Тухайн газарт 8 сарын 20-ны өдөр орсон усархаг борооны улмаас “Эг”-ийн гол савнаасаа хальж гүүрнээс эрэг хүртэлх далан бүхий зам 100 метрт сэтэрсэн бөгөөд, сэтэрсэн хэсгийг 8 сарын 27-ны өдрөөс эхлэн сэргээн засварласан байсныг буцаан ухуулах явцад 9 сарын 10-ны өдрийн 17:20 цагт иргэн Н-ийн цогцос, 17:40 цагт иргэн М-ийн цогцос тус тус олдсон. Цогцсуудыг гаргаж тус аймгийн Цагдаагийн газарт шилжүүлэн өгсөн тухай Онцгой байдлын Ерөнхий газраас мэдээллээ.