"Shared Destiny" буюу “Хамтын хувь заяа-2021" олон улсын энхийг сахиулах сургуулилт БНХАУ-ын Хэнэнь мужийн Чюэшаньд болж байна. Уг сургуулилтанд Хятад, Монгол, Пакистан, Тайланд зэрэг дөрвөн улсын энхийг сахиулагчид оролцож буй юм.

Уг сургуулилт НҮБ-ын үйл ажиллагааны стандартын дагуу  мэргэжлийн сургалт, хосолсон сургалт, үзүүлэлтийн сургалт гэсэн гурван үе шаттайгаар зохион байгуулж байгаа бөгөөд 9 сарын 15 -нд дуусах юм байна.

Энэхүү сургуулилт нь "Олон улсын энхийг сахиулах хүчний хамтын ажиллагаа" гэх сэдвээр зохиогдож байгаа бөгөөд олон улсын энхийг сахиулах хүчний прагматик хамтын ажиллагааг дэмжих, энхийг сахиулагчдын хамтын ажиллагааг нэмэгдүүлэх зорилготой ажээ.