ЭМЯ-наас Коронавирусийн нөхцөл байдлын долоо хоногийн тоймыг долоо хоног бүрийн баасан гаригт танилцуулдаг. Хэвлэлийн хуралд ХӨСҮТ-ийн дэд дарга Ж.Байгалмаа оролцож мэдээлэл өглөө. Тэрээр “Сүүлийн өдрүүдэд өдөрт бүртгэгдэж байгаа тохиолдлын тоо огцом нэмэгдэж 3000-аас дээш болсон.

Шинжилгээний эерэг эзлэх 10 хувь байсан бол 20 хувь болсон. Аймаг орон нутагт өвчлөл нэмэгдэж эерэг эзэлж байгаа хувь маш их нэмэгдэж байна. Илэрч байгаа тохиолдлын 73 хувь нь орон нутагт 27 хувь нь Улаанбаатар хотод бүртгэгдэж байна. Хүн амын хөл хөдөлгөөн улсын хэмжээнд огцом нэмэгдсэн.

Наймдугаар сарын 28-нд хийсэн таамаглалаар цаашид дараагийн өдөрт бүртгэгдэх тохиолдол Улаанбаатарт 900-аас дээш гарна. Дельта хувилбар илрүүлэх шинжилгээ хийж байна. Сүүлийн 7 хоногт эерэг тохиолдлуудын 35 хувь нь дельта хувилбар илэрч байна. Наймдугаар сарын сүүлээр хүүхдийн өвчлөл нэмэгдэж байна. 5-11 насны хүүхдийн өвчлөл хамгийн өндөр хувийг эзэлж байна. Маш хүнд онош 1.6 хувь болж буурсан бол хүндэвтэр өвчлөх хүмүүсийн тоо нэмэгдэж байна. Нас баралт буурсан. Есдүгээр сарын 2-ны байдлаар 43 мянган хүүхэд өвчлөөд байгаагийн 70.4 хувь нь Улаанбаатарт бүртгэгдсэн. Хүүхдүүдийн халдвар авах тохиолдол наймдугаар сарын дундаас нэмэгдэж байгаа бөгөөд 5-11 насны хүүхдийн өвчлөл хамгийн өндөр хувьтай байна.

Шинэ коронавирусийн халдвар нь ханиад томуунаас илүү стрессийг биед учруулдаг юм. Өнөөдөр дэлхийн эмч нар COVID-19 тусаад эдгэрсэн хүмүүсийн 70 хувьд нь уушги, судас, зүрх, бөөрөнд нь ямар нэгэн байдлаар нөлөө үзүүлсэн байдаг тухай ярьж байгаа юм.