Зам тээврийн хөгжлийн сайд Л.Халтарын зүгээс удаа дараа “УБТЗ”-ын даргад Ц.Хүрэлбаатар, Б.Даваасүрэн, Г.Сэрээнэндорж нарын гурван хүн санал болгосон ч Оросын тал зөвшөөрөөгүй.

Харин ямар шалтгааны улмаас тус гурван эрхмийг Оросын тал хүлээн зөвшөөрөөгүй талаар Л. Халтар сайдаас тодруулахад тэрбээр:

“Надад одоогоор ямар ч мэдээлэл алга. Өмнө Б.Даваасүрэн, Г.Сэрээнэндорж нарыг санал болгосон ч зөвшөөрөөгүй. Харин гурав дахь удаагаа УБТЗ-ын орлогч дарга Ц. Хүрэлбаатарыг санал болгосон. Одоогоор ямар ч хариу алга” гэлээ.

Эх сурвалжийн мэдээлж буйгаар дээрх гурван эрхэм ажлын туршлагагүй, авлига, албан тушаалын хэрэгт нэр холбогдсон тул Оросын тал хүлээн зөвшөөрөөгүй хэмээж байгаа юм.