Өнөөдөр 2021-2022 оны хичээлийн шинэ жил эхэлж байна. Цар тахлын үед эхэлж буй шинэ хичээлийн жилд сурагчид биеийн халуунаа шалгуулан сургуулийнхаа босгыг давж байна.

Энэ хичээлийн жилд улсын хэмжээнд ерөнхий боловсролын 854 сургуульд 718,817 сурагч суралцана. Харин сургуулийн өмнөх боловсролын тухайд 1,515 цэцэрлэгт

• Таван настай 77,185 хүүхэд 
• Дөрвөн настай 60,193 хүүхэд суралцах тооцоололтой байна. 

Түүнчлэн сурагчдыг цар тахлын халдвар авах эрсдэлийг бууруулах, хамгаалах зорилгоор энэ хичээлийн жилийн эхэн үед 5/9 зарчим баримтална. Уг зарчим хэр хугацаанд үргэлжлэх нь халдварын нөхцөл байдлаас хамаарах бөгөөд хэрэв байдал хүндэрвэл 4/10 болох тухай судлаачид хэлж буй юм.