Хардалтын улмаас нөхөр рүүгээ буцалсан халуун ус цацаж, гэмтээсэн эмэгтэйг гэр бүлийн хүчирхийллийн хэргээр цагдаагийн байгууллагаас шалгаж байна.

Тодруулбал, өчигдөр буюу наймдугаар сарын 30-ны өдөр нийслэлийн Хан-Уул дүүргийн ... тоотод оршин суух 36 настай эрэгтэй цагдаад дуудлага өгчээ. Дуудлагын дагуу алба хаагчид шалгалтын ажиллагаа явуулахад, хохирогч эрэгтэйн эхнэр буцалсан халуун усаар түлж, гэмтээсэн байжээ.

Тэд гэр бүлийн маргааны улмаас тусдаа амьдарч байсан гэх ба эхнэр нь хардалтын улмаас ийнхүү нөхрөө түлсэн гэдгээ хүлээн зөвшөөрсөн байна.