2021 оны наймдугаар сарын 30-ны өдрийн байдлаар Сэлэнгэ мөрөн, Орхон голын адгаар, Ховд гол Мянгад сум орчимд усны түвшин өмнөх өдрийнхөөс 15-50 см нэмэгдэж, Бэлтэс, Бүгсий, Үүр, Дэлгэрмөрөн, Сэлэнгэ, Орхон, Онон, Хэрлэн, Идэр, Байдраг, Таац, Онги, Буянт, Ховд, Чигж, Баруунтуруун, Тэс зэрэг голууд үерийн түвшинг 5-155 см, Улз, Халх болон Сэлэнгэ мөрөн / Хялгант тосгон Зүүнбүрэн, Сүхбаатар / Орхон голын дундуур үерийн аюултай түвшинг 10-85 см даван тус тус хүчтэй үерлэж байна.

Маргааш буюу наймдугаар сарын 31-нд Орхон голын дунд болон Сэлэнгэ мөрний адгаар усны түвшин 10-50 см нэмэгдэх төлөвтэй байна. Иймд дээрх голууд болон гол мөрний сав дагуу суурьшиж, нутаглаж буй малчид, ард иргэдийг үерийн аюулаас болгоомжтой байхыг онцгойлон анхааруулж байна.