Байгаль орчин, аялал жуулчлалын яамнаас Андлалын өргөөг нурааж эхэлсэн талаар мэдээлэл хийж байна. 

Хэнтий аймгийн Батноров сумын Дэлгэр-Өлзийт хэмээх тахилгат хайрханы өвөрт баригдсан "Андлалын хөшөө"-г буулгаж байгаа. Тус цогцолборын нийт төсөв 5 тэрбум төгрөгөөр хэмжигдсэн гэх бөгөөд улсын төсвөөс 1.9 тэрбум орчим төгрөгийг зарцуулсан гэдэг.

Тус хөшөө нь Урлагийн гавьяат зүтгэлтэн, зураач, барималч Д.Эрдэнэбилэг агсны бүтээл юм. Иймд түүний оюуны өмчийг янз бүрээр шоглож, шүүмжилж байгаад Д.Эрдэнэбилэг агсны гэр бүл нь эмзэглэж, хөшөөг цааш нь үргэлжлүүлэн барих, оюуны өмчийг нь ашиглуулахгүй хэмээж, улсын төсөвт мөнгийг нь буцаан төлж, тус бүтээлийг Өвөрмонголд ашиглуулахаар болсон байгаа юм. Иймд Андлалын өргөө цогцолборыг өнөөдрөөс /2021.08.26/ буулгаж буй. 

Уг хөшөөг барьсан "Хос санаа" ХХК-г хар жагсаалтад оруулан дахин тендер оролцох эрхийг нь хассан бөгөөд улсын төсвөөс авсан мөнгийг эргүүлэн төлүүлжээ.  Эдгээр болон бусад асуудлаар өнөөдөр /2021.08.26/ Байгаль орчин, аялал жуулчлалын сайд Ц.Уртнасан яг одоо мэдээлэл хийж байна.