БОАЖ-ын сайд Н. Уртнасан гуайн талаар таагүй мэдээлэл цахим орчинд түгжээ. Түүний талаар цахим хуудсанд төрийн тамгыг цүнхэлж, ажилчдаа салфетка авчраагүйн төлөө хэлэх хэлэхгүй үгээр загнадаг гэх яриа намдаагүй байтал сэтгүүлч Tseveenkherlen Tseveendolgor дахин нэг ноцтой мэдээллийг өөрийн цахим хуудсандаа нийтэлжээ.

Тэрээр:

"БОАЖ-ын сайдаар Н.Уртнасанг ямар “гай”-гаар томилж, төрийн тамга атгах эрх олгочихов оо? Бүхэл бүтэн салбарын бодлого зангидах учиртай сайд хэмээн томилогдсон Н.Уртнасангийн талаар чих дэлдийж, нүд бүлтиймээр олон муу үгс, олон муухай авирыг сүүлийн өдрүүдэд хангалттай сонслоо. 

Төрийн хар хүн, жинхэнэ албан хаагч гэх ойлголтыг өнгөрсөн жилүүдэд үе үеийн сайд нараас харсан. Харин энэ удаад улаан цагаандаа гарсан сайданцарыг тэвчиж чадахгүй нь. Алба, хэлтэс, газрын дарга нараа өрөөндөө дуудаад, “Миний үгээр явахгүй бол зайл”, “Амьдралыг чинь 3 секундэд шийднэ...9 секундэд шийднэ...30 секундэд шийднэ" хэмээн орилж чарладаг эмэгтэй сайдын өрөөнд, сандал дээр нь сууж байна.

Ангийн квоттой холбоотой асуудал дэгдсэн мөч саяхных. Учир юу байв хэмээн тодруултал Сайд гуай өөрийнх нь нэр дэвшүүлсэн компанид эрх хуваарилсангүй хэмээн уурссан байх юм. Төрийн жинхэнэ албан хаагч, үе үеийн сайдын итгэл хүлээж ажилласан, насаараа шахуу энэ яаманд нэртэй явсан, Хүрээлэн буй орчин, амьтан, ургамал, байгалийн нөөцийн хэлстийн дарга П.Цогтсайханыг энэ салбарынхан сайн мэднэ. Ууртай сайд өөрийнх нь компанийг дэмжээгүй гэдэг үндэслэлээр халчихсан байх юм.

Төрийн эрх атгасан Н.Уртнасан гуай өрөөндөө дарга, цэргүүдээ оруулж орилохоосоо өмнө бүх хүний утсыг хураачихдаг гэсэн. Булайг нь хэн нэгэн дэлгэхээс үхэтлээ айдаг хүний арга л даа. Ядаж байхад сайдын өрөө 2 давхарт. Цонх нь нээлттэй үед хашгирааг нь захын хүн сонсдог болсон байх юм. Туслахаа Г*ЧИЙ хэмээн хараах ердийн үзэгдэл. Тэр бүү хэл, П*ЗДА-г хангалттай урсгадаг гэх. А.Энхбат даргыг “Чи муу...” гэж байгаад загнадаг сурагтай. Уртнасан та байтугай энэ салбарын хэн ч Энхбат даргыг хүндэтгэн мэхийдэг юм шүү. Насыг нь бодохгүй юм гэхэд төрийн хар хүн гэдгээр нь хүндэтгэн СӨГД гэж хэлмээр байна. БОАЖЯ-ны газар, хэлтсийн бүх дарга нь ТҮР ОРЛОН ГҮЙЦЭТГЭГЧ-ээр ажиллаж байна гээд бод доо. Түр-үүд жинхэнэ биш болохоор наад зах нь төрийн албан хаагчдын зэрэг, дэв, цалин хөлсний асуудал шийдэгдэхгүй өнөөдрийг хүрчээ. Ийм шударга бус байж болно гэж үү.

Тэрнээс гадна яаманд Биоаюулгүй байдлын үндэсний хороо гэж бий. Биоаюулгүй байдлын Үндэсний хорооны нарийн бичгийн дарга, биоаюулгүй байдлын олон улсын шинжээч, доктор С.БАЯРХҮҮ гэж мундаг эмэгтэй олон жил нэр төртэй, хариуцлагатайгаар хашиж байгаа хүн. Монголд төдийгүй дэлхийн олон оронд танигдсан, үнэлэгдсэн хүн. Сүүлийн үед С.Баярхүү PCR шинжилгээ хийж байгаа лабораторуудад тохиргоо үйлчилгээ хийх чухал ажлыг гардан гүйцэтгэж байгаа юм билээ. Тэгтэл дэлхийд үнэлэгдсэн мэргэжлийн боловсон хүчин С.Баярхүү Н.Уртнасанд таалагдсангүй, ажлаа өг хэмээн дарамтлаад зогсохгүй халах тушаалыг нь гарга гэсэн үүрэг өгчихөж. XXI зуунд хүн төрөлхтний номер 1 асуудал болсон Биоаюулгүй байдал гэдэг тамга атгасан төрийн сайдаар хэмжигддэг, яригддаг ч юм биш. “Сайд чамайг хал гэсэн, тушаалыг чинь гаргаж байна” хэмээн Хяналт шинжилгээ үнэлгээ дотоод аудитын газрын даргын ТҮР ОРЛОН Ч.Уранчимэг залгасан байх юм.

Сайдын зөвлөхөөр өдгөө ажиллаж байгаа Ё.Онон маш олон хууль, дүрэм, журмын боловсруулалтад ажилласан, туршлагатай, чадвартай эмэгтэй байдаг. Тэгтэл Ононг бас “ЗАЙЛААРАЙ” хэмээн атамандаад амжиж. Н.Уртнасан таны юу ч мэдэхгүй, угаасаа ч ойлгож чадахгүй бодлогын асуудлыг наад хүн чинь 10 хуруу шигээ ярина гэдгийг хэлчихье. Байгаль орчны салбарт ОЙН бодлогын асуудал бүхэлдээ хаягдаад байна. Ойн салбарыг хэрхэн өөд татах талаар үнэтэй зөвлөгөө өгөх мэргэшсэн боловсон хүчин Монголд олон байдаг юм шүү, Н.Уртнасан гуай.

Байгаль орчны салбарт АЯЛАЛ ЖУУЛЧЛАЛ онцгой үүрэгтэй. Өнгөрсөн жилүүдэд яам яамны суганд хавцуулагдаж, гадуурхагдан жижгэрсээр тус яамны ГАЗАР төдийгөөр ажиллаж байгаа Аялал жуулчлалын газрын дарга С.Баясгалан ууртай сайдын дарамтаас болж халагдах өргөдлөө өгчихсөн сураг дууллаа. Хэдийгээр анх туршлагагүй шинэ дарга хэмээн салбарынхандаа нүдүүлж байсан ч өнөөдөр хэний ч өмнө аялал жуулчлалын бодлогын асуудлыг түүртэлгүй ярих, мэдэх хүн болсон, С.Баясгалан дарга. Мэргэшсэн, мэргэжлийн онцгой ур чадвар шаарддаг салбарт очсон Сайд энэ мэт мундагуудаа ашиглаж мэдэхгүй харамсалтайяа." хэмээн бичсэн байна.