Офицеруудын ордноос Таван шар хүртэл одоогоор 5000 у/м дугуйн замд хучилтын ажил хийгээд байна.

Нийт 23,7 км дугуйн зам тавих ажил энэ оны тавдугаар сарын 14-ний өдөр эхэлсэн. Энэхүү ажил удаашралтай байгаагаас Нийслэлийн Засаг даргын 2021.08.02-ны өдрийн шуурхай зөвлөгөөнөөс дугуйн замын ажлыг хариуцан ажиллах үүргийг өгсөн.

Дээрх үүргийн дагуу дугуйн замын ажилд хяналт тавьж одоогоор 5000 у/м хучилт хийлгэн дугуйн зам дагуух үүсмэл хогийг цэвэрлэх үүргийг гүйцэтгэгч байгууллагад өгсөн боловч биелүүлээгүй аж.

Иймд өчигдөр орой дугуйн зам дагуу үүссэн хог хаягдлыг цэвэрлүүлэхээр Хот тохижилтын газар ОНӨААТҮГ-т үүрэг даалгавар өгч өнөө өглөө УБ хотын Захирагчийн ажлын албанаас хөдөлгөөн эхлэхээс өмнө биечлэн шалгаж хяналт тавьжээ.

Цаашид дугуйн зам дагуу үүссэн хог хаягдлыг цэвэрлэх ажлыг Хот тохижилтын газар ОНӨААТҮГ хариуцан ажиллах юм байна.