Монгол Улсад барилгын салбар үүсч хөгжсөний 95 жилийн ой, “Барилгачдын өдөр”-ийг тохиолдуулан Барилгын салбарын 2021 оны “Шилдэг байгууллага, аж ахуйн нэгж”-ийг шалгаруулахаар Барилга, хот байгуулалтын яам, Барилгын хөгжлийн төв ажиллаж байна.

            Барилгачдын баяраар тухайн онд ажил үйлсээрээ салбартаа тэргүүлсэн оны шилдэг арван аж ахуйн нэгж, байгууллагыг шалгаруулж, далбааг нь Барилгачдын талбайд бүтэн жилийн турш өргөн мандуулж, алдаршуулдаг уламжлалтай.

            Энэ удаагийн сонгон шалгаруулалтыг Барилга, хот байгуулалтын Сайдын 2019 оны 140 дүгээр тушаалын хавсралтаар баталсан “Барилгын салбарын оны шилдэг аж ахуйн нэгж, байгууллагыг шалгаруулах журам”-ын дагуу хүлээн авна. Иймд оны “Шилдэг аж ахуйн нэгж, байгууллага”-д нэр дэвших хүсэлтэй аж ахуйн нэгж, байгууллагуудын материалыг 2021 оны 08 дугаар сарын 25-ны өдрийг дуустал Барилгын хөгжлийн төвийн 313 тоот өрөөнд хүлээн авч байна.

Жич: БХБ Сайдын 2019 оны 140 дүгээр тушаалаар баталсан “Барилгын салбарын оны шилдэг аж ахуйн нэгж, байгууллагыг шалгаруулах журам”-ыг www.mcud.gov.mn болон www.barilga.gov.mn цахим хуудсаас татаж авна уу.

Холбоо барих утас: 11-316304, 11-320965

http://barilga.gov.mn/?fbclid=IwAR2-Gt6QQ6rcJwDlEbP0-9Dl-ThnnVpAcub2sk0yYEZJSfUryDv5ILptBng#/content/contentView/907