Өчигдөр 14:13 цагт Чингэлтэй дүүргийн долдугаар хорооны нутаг дэвсгэрт "Автомашин шатаж байна" гэсэн дуудлагыг Онцгой байдлын алба хаагчид хүлээн авсан байна.

Тус дуудлагын дагуу Онцгой байдлын хэлтсийн Гал түймэр унтраах, аврах аравдугаар ангийн алба хаагчид долоон километр замыг туулан очиход иргэн Б-ийн "Санте Пе" маркын суудлын автомашин шатаж байжээ. Алба хаагчид 10 минут тус газар ажиллаж галыг унтраасан байна.