Шатахуун импортлогч ААН-үүд энэ сарын эхээр шатахууны үнээ литр тутам 300 төгрөгөөр нэмсэн. Нэг л орой гэнэт шатахууны үнийг нэмсэн нь жолооч нарт хүнд цохилт болж, улмаар үүнийг дагаад бараа, бүтээгдэхүүний үнэ өссөн байгаа.

Гэсэн ч энэхүү нэмэгдэл нь хангалтгүй байгаа бөгөөд яг одоогоор импортлогч компаниуд АИ-92 бензинийг л гэхэд 2000 төгрөгөөр авч, 1750 төгрөгөөр зарж байгаа нь зөвхөн нэг сарын хугацаанд л гэхэд 30 тэрбум төгрөгийн алдагдал хүлээж байгаа гэнэ.

Тэгвэл сар хүрэхгүй хугацааны дараа буюу өнөөдөр өглөөнөөс АИ-92 шатахууны үнийг литр тутамд нь 300 төгрөгөөр дахин нэмсэн байна.

Тухайлбал, АИ 92, 93 бензин

• Петровис -2050
• Шунхлай-2060
• Тэс Петролиум-2050
• Магнай трейд-2050
• Сод монгол-2050 төгрөг болсон байна.

Ийнхүү шатахууны үнэ энэ сард хоёр удаа өслөө.