Сэлэнгэ мөрний эргээр зугаалж байсан 10 хүн машины хамтаар алга боллоо гэсэн дуудлагын дагуу ОБГ-ын аврах баг эрэн хайх ажил явуулсан ч олдоогүй гэж мэдээллээ.

Уг дуудлагыг Сэлэнгэ аймгийн Зүүнбүрэн сумын Бэлчир багийн “Сүмийн булан” гэдэг газарт 07.04-ний өдөр “Сэлэнгэ” мөрний эрэг дээр 10 иргэн суудлын автомашинтай сураггүй болсон бөгөөд “Сэлэнгэ” мөрөнд осолдсон байж болзошгүй тухай дуудлагыг Цагдаагийн байгууллагаас 07.09-ний өдөр өгчээ.

Тус аймгийн Онцгой байдлын газрын Эрэн хайх, аврах анги, тус аймаг дахь Цагдаагийн газрын алба хаагчид, ар гэрийнхэн, тус сумын Засаг даргын Тамгын газрын ажилтнууд Н /50 настай, эмэгтэй/-ийг эрэн хайх ажиллагааг зохион байгуулсан байна. 07.14-ний өдрийн байдлаар хоёр бүлэгт хуваагдаж,

Нэгдүгээр бүлэг: “Сүмийн булан” гэдэг газраас “Ноён-Уул” гэдэг газар хүртэл нийт 90 км-т явганаар болон завиар,

Хоёрдугаар бүлэг: “Ноён-Уул” гэдэг газраас “Сүмийн булан” гэдэг газар хүртэл нийт 90 км-т завиар урсаж, 45 км-т явганаар эрэн хайх ажил хийсэн боловч үр дүнд хүрээгүй байна. Иймд ажиллагааг зогсоожээ.